About Us । ਸਾਡੇ ਬਾਰੇ

Lafzan Da Pul is a revolutionary concept to spread the Punjabi Language and Script worldwide. We want to create an encyclopedia of Punjabi literature and culture online in Punjabi script (Gurmukhi and Shahmukhi). Our mission is to make every Punjabi user’s computer be able to work in Punjabi. For this, every Punjabi has to learn ‘How to use Punjabi on the computer and on the Internet. There is all technical detail available on our website to make it possible.

Apart from that we are giving a platform to budding and established writers. They can publish and display their creativity worldwide through our E-magazine/Research Journal. So let’s join hands to make Punjabi stand tall with modern communication technology.

Over the years Lafzan Da Pul has been developed as a Research Journal and it has also provided resources for research students. Till now many academicians and research scholars have done research about Lafzan Da Pul. 

ਲਫ਼ਜ਼ਾਂ ਦਾ ਪੁਲ ਪੰਜਾਬੀ ਬੋਲੀ ਲਈ ਇਕ ਨਵੇਕਲਾ ਤਜਰਬਾ ਹੈ। ਹਰ ਪਰੰਪਰਾ ਅਤੇ ਸੰਵੇਦਨਾ ਨੂੰ ਹਜ਼ਮ ਕਰਦੀ ਜਾ ਰਹੀ ਤਕਨੀਕ ਹੀ ‘ਲਫ਼ਜ਼ਾਂ ਦਾ ਪੁਲ’ ਨੇ ਹਥਿਆਰ ਬਣਾਈ ਹੈ। ਪਹਿਲਾ ਮਕਸਦ ਗੁਰਮੁਖੀ ਨੂੰ ਸੂਚਨਾ ਤਕਨੀਕ ਦੇ ਹਾਣ ਦਾ ਬਣਾਉਣਾ ਹੈ। ਪੰਜਾਬੀਆਂ ਦਾ ਇੰਟਰਨੈੱਟ ‘ਤੇ ਪੰਜਾਬੀ ਟਾਈਪਿੰਗ ਵਿੱਚ ਨਿਪੁੰਨ ਹੋਣਾ ਜ਼ਰੂਰੀ ਹੈ । ‘ਲਫ਼ਜ਼ਾਂ ਦਾ ਪੁਲ’ ਨੇ ਇਸ ਲਈ ਇੱਕ ਬਹੁਤ ਹੀ ਆਸਾਨ ਟਾਈਪਿੰਗ ਟਿਊਟਰ ਤਿਆਰ ਕੀਤਾ ਹੈ। ਅੰਗਰੇਜ਼ੀ ਵਿੱਚ ਪੰਜਾਬੀ ਲਿਖਣ ਵਾਲੇ ਸਿਰਫ ਅੱਧੇ ਘੰਟੇ ਵਿੱਚ ਇੰਟਰਨੈੱਟ ‘ਤੇ ਗੁਰਮੁਖੀ ਪੰਜਾਬੀ ਲਿਖਣ ‘ਚ ਸਮਰੱਥ ਹੋ ਸਕਦੇ ਹਨ।

ਦੂਸਰਾ ਮਕਸਦ ਉਨ੍ਹਾਂ ਸਾਥੀਆਂ ਨੂੰ ਇੱਕ ਮੰਚ ‘ਤੇ ਇੱਕਠਾ ਕਰਨਾ ਹੈ, ਜੋ ਪੰਜਾਬੀ ਬੋਲੀ ਲਈ ਕੁਝ ਕਰਨਾ ਚਾਹੁੰਦੇ ਹਨ। ‘ਲਫ਼ਜ਼ਾਂ ਦਾ ਪੁਲ’ ‘ਤੇ ਉਹ ਆਪਣੀਆਂ ਰਚਨਾਵਾਂ ਅਤੇ ਵਿਚਾਰਾਂ ਨਾਲ ਯੋਗਦਾਨ ਪਾ ਸਕਣਗੇ। ਭਵਿੱਖ ਵਿੱਚ ਇਹਨਾਂ ਰਚਨਾਵਾਂ ਨੂੰ ਕਿਤਾਬ ਦੀ ਸ਼ਕਲ ਦੇਣ ਦਾ ਵੀ ਟੀਚਾ ਹੈ।

ਤੀਸਰਾ ਮਕਸਦ ਨੌਜਵਾਨ ਸਾਥੀਆਂ ਦੀਆਂ ਸਾਹਿੱਤਕ ਰੁਚੀਆਂ ਨੂੰ ਉਤਸ਼ਾਹਤ ਕਰਨਾ ਹੈ। ਇਸ ਲਈ ਈ-ਕਵੀ ‘ਤੇ ਈ ਪਾਠਕ ਮੁਕਾਬਲੇ ਸ਼ੁਰੂ ਕੀਤੇ ਹਨ। ਜਿਸ ਰਾਹੀਂ ਸਾਥੀ ਆਪਣੇ ਹੁਨਰ ਅਤੇ ਸੋਚ ਨੂੰ ਜ਼ਾਹਿਰ ਕਰ ਸਕਣਗੇ। ਉਹਨਾਂ ਨੂੰ ਨਕਦ ਇਨਾਮ ‘ਤੇ ਸਾਹਿੱਤਕ ਭੇਟਾਂ ਰਾਹੀ ਉਤਸ਼ਾਹਤ ਵੀ ਕੀਤਾ ਜਾਵੇਗਾ।

ਸਾਹਿਤੱਕ ਸੋਚ ਦੀ ਧਾਰ  ਤਿੱਖੀ ਕਰਨ ਲਈ ਮਾਸਿਕ ਈ-ਰਸਾਲਾ ‘ਕਾਵਿ-ਸੰਵਾਦ’ ਪ੍ਰਕਾਸ਼ਿਤ ਕੀਤਾ ਜਾ ਰਿਹਾ ਹੈ। ਇਸ ਵਿੱਚ ਸਾਥੀ ਦਿੱਤੇ ਗਏ ਵਿਸ਼ੇ ‘ਤੇ ਆਪਣੀ ਸੋਚ ਨੂੰ ਲਫ਼ਜ਼ਾਂ ਵਿੱਚ ਪਰੋ ਕੇ ਹਰ ਮਹੀਨੇ ਭੇਜਣਗੇ। ਇਸ ਦੇ ਨਾਲ ਹੀ ਸਾਡਾ ਮਕਸਦ ਪੰਜਾਬੀ ਸੱਭਿਆਚਾਰ, ਸਾਹਿੱਤ, ਬੋਲੀ, ਗੀਤ-ਸੰਗੀਤ ਅਤੇ ਵਿਰਸੇ ਨਾਲ ਜੁੜੀਆਂ ਪਰੰਪਰਾਵਾਂ, ਇਤਿਹਾਸਿਕ ਘਟਨਾਂਵਾਂ, ਸ਼ਖਸੀਅਤਾਂ, ਰੀਤਿ-ਰਿਵਾਜਾਂ ਬਾਰੇ ਈ-ਇਨਸਾਈਕਲੋਪੀਡਿਆ/ਰੈਡਰੈਂਸ ਲਾਇਬ੍ਰੇਰੀ ਤਿਆਰ ਕਰਨਾ ਹੈ। ਇਸ ਨਾਲ ਦੁਨੀਆਂ ਦੇ ਕਿਸੇ ਵੀ ਕੋਨੇ ਵਿੱਚ ਬੈਠੇ ਚਾਹਵਾਨਾਂ ਨੂੰ ਇੰਟਰਨੈੱਟ ਰਾਹੀਂ ਪੰਜਾਬ, ਪੰਜਾਬੀ ਅਤੇ ਪੰਜਾਬੀਅਤ ਬਾਰੇ ਸਹੀ ਜਾਣਕਾਰੀ ਗੁਰਮੁਖੀ ਵਿੱਚ ਮੁਹੱਈਆ ਕਰਵਾਈ ਜਾ ਸਕੇਗੀ।

ਭਵਿੱਖ ਵਿੱਚ ‘ਲਫ਼ਜ਼ਾਂ ਦਾ ਪੁਲ’ ਨੂੰ ਸ਼ਾਹਮੁਖੀ ਵਿੱਚ ਵਿਸਤਾਰ ਕਰਨ ਦੀ ਵੀ ਤਜਵੀਜ਼ ਹੈ, ਤਾਂਕਿ ਸਾਂਝੇ ਪੰਜਾਬ ਵਿਚਾਲੇ ਲਫ਼ਜ਼ਾਂ ਦਾ ਪੁਲ ਮਜ਼ਬੂਤ ਕੀਤਾ ਜਾ ਸਕੇ। ਲਫ਼ਜ਼ਾਂ ਦਾ ਪੁਲ ਕੋਈ ਕਮਰਸ਼ਿਅਲ ਮੁਨਾਫਾ ਕਮਾਉਣ ਵਾਲਾ ਅਦਾਰਾ ਨਹੀਂ। ਸਗੋਂ ਹਰ ਪੰਜਾਬੀ ਦਾ ਆਪਣਾ ਮੰਚ ਹੈ। ਜੋ ਵੀ ਸਾਥੀ ਇਸ ਵਿੱਚ ਆਪਣਾ ਯੋਗਦਾਨ ਪਾਉਣ ਦੀ ਇੱਛਾ ਰੱਖਦਾ ਹੋਵੇ, ਉਸਦਾ ਖੁੱਲੇ ਦਿਲ ਨਾਲ ਸਵਾਗਤ ਹੈ। ਤੁਹਾਡਾ ਹਰ ਵਿਚਾਰ ਸਾਡੇ ਲਈ ਵੱਡਮੁਲਾ ਹੈ। ਸੁਝਾਅ, ਵਿਚਾਰ ਅਤੇ ਕਿਸੇ ਕਿਸਮ ਦੀ ਜਾਣਕਾਰੀ ਲਈ lafzandapul@gmail.com ‘ਤੇ ਸੰਪਰਕ ਕਰ ਸਕਦੇ ਹੋ।

You cannot copy content of this page.

ਕਾਪੀ ਕਰਨਾ ਮਨ੍ਹਾਂ ਹੈ।

ਆਪਣੀ ਪਸੰਦ ਦੀ ਪੋਸਟ ਪ੍ਰਾਪਤ ਕਰਨ ਲਈ ਈ-ਮੇਲ ਕਰੋ lafzandapul@gmail.com

%d bloggers like this: