ਪੰਜਾਬੀ ਸਹਿਤ ਅਕਾਦਮੀ ਚੋਣਾ । ਸੁਖਦੇਵ ਪ੍ਰਧਾਨ, ਸੁਰਜੀਤ ਸੀਨੀਅਰ ਮੀਤ ਪ੍ਰਧਾਨ, ਅਨੂਪ ਜਨਰਲ ਸਕੱਤਰ

ਲੁਧਿਆਣਾ। ਪੰਜਾਬੀ ਸਾਹਿਤ ਅਕਾਡਮੀ ਲੁਧਿਆਣਾ ਦੀਆਂ ਪੰਜਾਬੀ ਭਵਨ ਵਿਖੇ ਹੋਈਆਂ ਚੋਣਾਂ ਵਿਚ ਪ੍ਰਧਾਨਗੀ ਦੇ ਅਹੁਦੇ ਲਈ ਡਾ. ਸੁਖਦੇਵ ਸਿੰਘ ਸਿਰਸਾ 602 ਵੋਟਾਂ ਹਾਸਲ ਕਰਕੇ ਵੱਡੇ ਫ਼ਰਕ ਨਾਲ ਜੇਤੂ ਰਹੇ।  ਵਿਰੋਧੀ ਉਮੀਦਵਾਰ ਡਾ. ਤੇਜਵੰਤ ਸਿੰਘ ਮਾਨ ਹੋਰਾਂ ਨੂੰ 233 ਵੋਟਾਂ ਮਿਲੀਆਂ। ਗਿਆਰਾਂ ਵੋਟਾਂ ਰੱਦ ਹੋਈਆਂ। ਜਨਰਲ ਸਕੱਤਰ ਦੇ ਅਹੁਦੇ ਲਈ ਡਾ. ਅਨੂਪ ਸਿੰਘ ਬਟਾਲਾ ਪਹਿਲਾਂ ਹੀ ਬਿਨਾਂ ਮੁਕਾਬਲਾ ਜੇਤੂ ਹੋ ਚੁੱਕੇ ਹਨ। ਸੀਨੀਅਰ ਮੀਤ ਪ੍ਰਧਾਨ ਲਈ ਡਾ. ਸੁਰਜੀਤ ਸਿੰਘ (ਪਟਿਆਲਾ) 534 ਵੋਟਾਂ ਲੈ ਕੇ ਜੇਤੂ ਰਹੇ ਸਨ। ਉਨ੍ਹਾਂ ਦੇ ਮੁਕਾਬਲੇ ਵਿਚ ਉਮੀਦਵਾਰ ਡਾ. ਜੋਗਿੰਦਰ ਸਿੰਘ ਨਿਰਾਲਾ ਨੂੰ 272 ਵੋਟਾਂ ਮਿਲੀਆਂ।  ਇਹ ਚੋਣ ਮੁੱਖ ਚੋਣ ਅਧਿਕਾਰੀ ਡਾ. ਸਰਜੀਤ ਸਿੰਘ ਗਿੱਲ, ਸਹਾਇਕ ਚੋਣ ਅਧਿਕਾਰੀ ਹਕੀਕਤ ਸਿੰਘ ਮਾਂਗਟ ਅਤੇ ਡਾ. ਪਰਮਜੀਤ ਸਿੰਘ ਦੇ ਸਹਿਯੋਗ ਨਾਲ ਨੇਪਰੇ ਚੜ੍ਹੀ। ਇਨ੍ਹਾਂ ਨਤੀਜਿਆਂ ਦਾ ਐਲਾਨ ਕਰਦਿਆਂ ਮੁੱਖ ਚੋਣ ਅਧਿਕਾਰੀ ਡਾ. ਸਰਜੀਤ ਸਿੰਘ ਗਿੱਲ ਨੇ ਦੱਸਿਆਂ ਕਿ ਪੂਰੀ ਚੋਣ ਪ੍ਰਕਿਰਿਆਂ ਸ਼ਾਂਤੀਪੂਰਨ ਰਹੀ ਅਤੇ ਦੂਰ ਦੁਰਾਡੇ ਤੋਂ ਆ ਕੇ ਅਕਾਡਮੀ ਦੇ 846 ਮੈਂਬਰਾਂ ਨੇ ਵੋਟਾਂ ਪਾਈਆਂ।

ਪੂਰਾ ਦਿਨ ਪੰਜਾਬੀ ਭਵਨ ਦੇ ਵਿਹੜੇ ਵਿਚ ਲੇਖਕਾਂ ਦਾ ਮੇਲਾ ਲੱਗਿਆ ਰਿਹਾ ਅਤੇ ਚੋਣਾਂ ਦੇ ਬਹਾਨੇ ਮੇਲ-ਮਿਲਾਪ, ਵਿਚਾਰ ਵਟਾਂਦਰੇ ਅਤੇ ਸ਼ੁਗਲ ਮੇਲੇ ਦੌਰਾਨ ਚੋਣਾਂ ਦਾ ਸਿਲਸਿਲਾ ਬਾਅਦ ਦੁਪਹਿਰ 3 ਵਜੇ ਤੱਕ ਚੱਲਦਾ ਰਿਹਾ। ਪੰਜਾਬ ਯੂਨੀਵਰਸਿਟੀ ਚੰਡੀਗੜ੍ਹ ਵਿਖੇ ਪੰਜਾਬੀ ਅਧਿਐਨ ਸਕੂਲ ਦੇ ਚੇਅਰਮੈਨ ਅਤੇ ਪਿਛਲੇ ਛੇ ਸਾਲ ਤੋਂ ਲਗਾਤਾਰ ਪੰਜਾਬੀ ਸਾਹਿਤ ਅਕਾਡਮੀ ਲੁਧਿਆਣਾ ਦੇ ਜਨਰਲ ਸਕੱਤਰ ਰਹੇ ਡਾ. ਸੁਖਦੇਵ ਸਿੰਘ ਸਿਰਸਾ ਨੇ ਪ੍ਰਧਾਨਗੀ ਦਾ ਅਹੁਦਾ ਜਿੱਤਣ ਤੋਂ ਬਾਅਦ ਕਿਹਾ ਕਿ ਅਗਲਾ ਸਾਲ ਪੰਜਾਬੀ ਸਾਹਿਤ ਅਕਾਡਮੀ ਲੁਧਿਆਣਾ ਦਾ 60ਵਾਂ ਡਾਇਮੰਡ ਜੁਬਲੀ ਵਰ੍ਹਾ ਹੈ। ਸਾਰਿਆਂ ਦੇ ਸਹਿਯੋਗ ਨਾਲ ਇਸ ਸਮੇਂ ਵਿਚ ਵੱਧ ਤੋਂ ਵੱਧ ਕਾਰਜ ਕਰਨ ਦਾ ਯਤਨ ਕੀਤਾ ਜਾਵੇਗਾ ਅਤੇ ਭਾਰਤ ਸਰਕਾਰ ਤੋਂ ਡਾਕ ਟਿਕਟ ਜਾਰੀ ਕਰਵਾਉਣ ਲਈ ਸਿਰਤੋੜ ਯਤਨ ਕੀਤੇ ਜਾਣਗੇ। ਪੰਜਾਬ ਸਰਕਾਰ ਨੇ 2011 ਦੇ ਬਜਟ ਵਿਚ ਦੋ ਕਰੋੜ ਰੁਪਏ ਐਲਾਨ ਕੀਤੇ ਸਨ ਉਸ ਨੂੰ ਲੈਣ ਲਈ ਪੂਰੇ ਯਤਨ ਕੀਤੇ ਜਾਣਗੇ। ਸਿਲਵਰ ਜੁਬਲੀ ਵਰ੍ਹੇ ਲਈ ਅੱਠ ਪ੍ਰਕਾਸ਼ਨਾਵਾਂ ਜੋ ਪ੍ਰਕਾਸ਼ਨ ਅਧੀਨ ਹਨ ਨੂੰ ਪਾਠਕਾਂ ਲਈ ਪੇਸ਼ ਕੀਤਾ ਜਾਵੇਗਾ। ਇਸ ਤਰ੍ਹਾਂ ਵਿਭਿੰਨ ਬਹੁ-ਪੱਖੀ ਕਾਰਜਾਂ ਰਾਹੀਂ ਪੰਜਾਬੀ ਲੇਖਕ ਤੇ ਲਿਖਤ ਨੂੰ ਪ੍ਰਮਾਣਿਤ ਕਰਨ ਹਿੱਤ ਕਾਰਜ ਆਰੰਭੇ ਜਾਣਗੇ ਅਤੇ ਸਮੂਹ ਪੰਜਾਬੀਆਂ ਨੂੰ ਅਕਾਦਮਿਕ ਪੱਧਰ ’ਤੇ ਜੋੜ ਕੇ ਉਨ੍ਹਾਂ ਦਾ ਚਿੰਤਨ ਪੱਧਰ ਉੱਚਾ ਕੀਤਾ ਜਾਵੇਗਾ।

ਜੇਤੂਆਂ ਦੀ ਸੂਚੀ ਅਤੇ ਉਨ੍ਹਾਂ ਨੂੰ ਮਿਲੀਆਂ ਵੋਟਾਂ ਦੀ ਗਿਣਤੀ-

ਡਾ. ਸੁਖਦੇਵ ਸਿੰਘ ਸਿਰਸਾ 602

ਡਾ. ਸੁਰਜੀਤ 534

ਡਾ. ਅਨੂਪ ਸਿੰਘ (ਬਿਨਾਂ ਮੁਕਾਬਲਾ ਜੇਤੂ)

ਤ੍ਰੈਲੋਚਨ ਲੋਚੀ 503

ਸੁਰਿੰਦਰ ਕੈਲੇ ਨੂੰ 457

ਗੁਰਚਰਨ ਕੌਰ ਕੋਚਰ ਨੂੰ 451

ਸੁਦਰਸ਼ਨ ਗਾਸੋ 445

ਸੀ. ਮਾਰਕੰਡਾ 342

ਸਹਿਜਪ੍ਰੀਤ ਸਿੰਘ ਮਾਂਗਟ 590

ਖੁਸ਼ਵੰਤ ਬਰਗਾੜੀ 572

ਜਸਪਾਲ ਮਾਨਖੇੜਾ 494

ਭੁਪਿੰਦਰਪ੍ਰੀਤ ਕੌਰ 492

ਭੀਮਇੰਦਰ ਸਿੰਘ 487

ਗੁਲਜ਼ਾਰ ਪੰਧੇਰ 481

ਬੀਬਾ ਬਲਵੰਤ 465

ਨੀਤੂ ਅਰੋੜਾ 450

ਤਰਸੇਮ 414

ਭਗਵੰਤ ਸਿੰਘ 359

ਪ੍ਰੀਤਮ ਸਿੰਘ ਭਰੋਵਾਲ 349

ਭੁਪਿੰਦਰ ਸਿੰਘ ਸੰਧੂ 349

ਮੱਖਣ ਮਾਨ 349
ਹਰਵਿੰਦਰ ਸਿੰਘ ਸਿਰਸਾ (ਬਿਨਾਂ ਮੁਕਾਬਲਾ ਜੇਤੂ)
ਹਰਦੇਵ ਸਿੰਘ ਗਰੇਵਾਲ (ਬਿਨਾਂ ਮੁਕਾਬਲਾ ਜੇਤੂ)

ਬਾਕੀ ਉਮੀਦਵਾਰਾਂ ਦੀਆਂ ਵੋਟਾਂ ਦੀ ਗਿਣਤੀ

ਤੇਜਵੰਤ ਮਾਨ 233

ਜੋਗਿੰਦਰ ਸਿੰਘ ਨਿਰਾਲਾ 272

ਕਰਾਂਤੀਪਾਲ 330

ਦੇਵ ਦਰਦ 277

ਗੁਰਮੀਤ ਕੱਲਰਮਾਜਰੀ 271

ਸਵਰਨਜੀਤ ਕੌਰ ਗਰੇਵਾਲ 255

ਸ਼ਰਨਜੀਤ ਕੌਰ 254

ਸੰਧੂ ਵਰਿਆਣਵੀ 232

ਸਿਮਰਤ ਸੁਮੈਰਾ 325

ਰਾਮਮੂਰਤੀ 302

ਰਵੀ ਰਵਿੰਦਰ 299

ਹਰਬੰਸ ਮਾਲਵਾ 268

ਖੁਸ਼ਦੀਪ ਸਿੰਘ 177

ਗੁਲਜ਼ਾਰ ਸ਼ੌਂਕੀ 279

ਜਗਦੀਸ਼ ਰਾਏ ਕੁਲਰੀਆ 181

ਬਲਦੇਵ ਸਿੰਘ ਝੱਜ 291

ਭੁਪਿੰਦਰ 231

ਅਸ਼ੋਕ ਸਿੰਗਲ 254