ਕਵਿਤਾ । ਕਣੀਆਂ ਵਰਗੀ ਕੁੜੀ। ਗੁਰਪ੍ਰੀਤ ਗੀਤ

ਗੁਰਪ੍ਰੀਤ ਗੀਤ

ਜਦੋਂ ਰੱਬ ਧਰਤੀ ਨੂੰ ਬਖ਼ਸ਼ਦੈ ਜੋਬਨ
ਮੋਰ ਦੀਆਂ ਕੂਕਾਂ ਨਾਲ
ਬੂੰਦਾਂ ਦੀਆਂ ਹੂਕਾਂ ਨਾਲ
ਟਾਹਣੀਆਂ ਗਾਉਣ
ਸਾਉਣ ਦੇ ਗੀਤ
ਨੱਚਦੇ ਨੇ ਪੱਤੇ
ਚੱਲਦਾ ਹੈ ਪਿਆਰ ਦਾ ਜਾਦੂ
ਹੋ ਜਾਂਦੈ ਇਸ਼ਕ ਜ਼ਿੰਦਗੀ ਨਾਲ

ਜਦੋਂ ਇਕ ਮੁਟਿਆਰ
ਅੱਖਾਂ ਮੀਚੀ
ਨੱਚਦੀ ਐ ਬੱਦਲਾਂ ਦੀ ਤਾਲ ਤੇ
ਬਾਰਸ਼ ਲੁਕ ਜਾਂਦੀ ਐ
ਉਹਦੀਆਂ ਲਹਿਰਾਉਂਦੀਆਂ ਜ਼ੁਲਫ਼ਾਂ ’ਚ
ਜਦੋਂ ਬਾਰਸ਼ ਦਾ ਜਲਤਰੰਗ
ਕਰਦੈ ਜੁਗ਼ਲਬੰਦੀ
ਉਹਦੀਆਂ ਝਾਂਜਰਾਂ
ਤੇ ਕੰਗਣਾਂ ਨਾਲ
ਚੱਲਦੈ ਇਸ਼ਕ ਦਾ ਜਾਦੂ
ਹੋ ਜਾਂਦੈ ਜ਼ਿੰਦਗੀ ਨਾਲ ਇਸ਼ਕ

-ਗੁਰਪ੍ਰੀਤ ਗੀਤ

ਅੰਗਰੇਜ਼ੀ ਤੋਂ ਪੰਜਾਬੀ ਅਨੁਵਾਦ-ਦੀਪ ਜਗਦੀਪ ਸਿੰਘ