ਪੰਜਾਬੀ ਮਾਂ: ਨੀਲਮ ਸੈਣੀ

ਮੇਰੇ ਗਲ਼ ਵਿਚ ਅੱਖਰਾਂ ਦੇ ਮੋਤੀਆਂ ਦੀ ਮਾਲਾ।
ਮੇਰੇ ਸਿਰ ਉੱਤੇ ਸ਼ਬਦਾਂ ਦਾ ਸੂਹਾ ਹੈ ਦੁਸ਼ਾਲਾ।
ਪੈਂਦਾ ਗਾਚੀ ਦਾ ਸੀ ਮੁੱਲ ਕਦੀ ਹੱਟੀਆਂ ਦੇ ਉੱਤੇ,
ਲਾ-ਲਾ ਡੋਕ੍ਹੇ ਲਿਖੀ ਜਾਂਦੀ ਸੀ ਮੈਂ ਫੱਟੀਆਂ ਦੇ ਉੱਤੇ।
ਇੰਟਰਨੈਟ ਉੱਤੇ, ਅੱਜ ਮਾਣ ਨਾਲ ਖੜ੍ਹੀ ਹਾਂ,
ਵੱਖ-ਵੱਖ ਫੌਂਟਾਂ ਵਿਚ ਜਾਂਦੀ ਲਿਖੀ-ਪੜ੍ਹੀ ਹਾਂ।

ਦਿੰਦੀ ਨਾ ਅਸੀਸਾਂ ਥੱਕਾਂ, ਪੁੱਤਰਾਂ ਤੇ ਧੀਆਂ ਨੂੰ।
ਬਲੌਗ-ਵੈਬ ਸਾਈਟ ਵਾਲੇ ਸਾਰਿਆਂ ਹੀ ਜੀਆਂ ਨੂੰ।
ਮਹਿਕ ਮੇਰੀ ਜਿਨ੍ਹਾਂ ਨੇ ਵਿਦੇਸ਼ਾਂ ‘ਚ ਫ਼ੈਲਾਈ ਏ,
ਮਾਂ-ਬੋਲੀ, ਮਾਣ ਦੇ ਕੇ, ਤਖ਼ਤ ਬਠਾਈ ਏ।
ਧਰਤੀ ਤੋਂ ਉੱਠ, ਖੁੱਲ੍ਹੇ ਅੰਬਰਾਂ ਤੇ ਚੜ੍ਹੀ ਹਾਂ।
ਵੱਖ-ਵੱਖ ਫੌਂਟਾਂ ਵਿਚ ਜਾਂਦੀ ਲਿਖੀ-ਪੜ੍ਹੀ ਹਾਂ।

ਰੇਡੀਓ, ਰਸਾਲੇ, ਅਖਬਾਰਾਂ ਨੇ ਜੋ ਆਉਂਦੀਆਂ।
ਪਾਠਕਾਂ ਦੇ ਨਾਲ ਮੇਰੀ ਸਾਂਝ ਨੇ ਵਧਾਉਂਦੀਆਂ।
‘ਪੰਜਾਬੀ ਸਾਹਿਤ ਸਭਾ’ ਮੈਨੂੰ ਕਰਦੀ ਹੈ ਸਜਦਾ,
ਆਪਣਾ ਭੱਵਿਖ ਹੁਣ ਚੰਗਾ-ਚੰਗਾ ਲੱਗਦਾ।
ਪੰਜਾਬੀਆਂ ਦੇ ਤਾਜ ਵਿਚ ਹੀਰੇ ਵਾਂਗ ਜੜ੍ਹੀ ਹਾਂ।
ਵੱਖ-ਵੱਖ ਫੌਂਟਾਂ ਵਿਚ ਜਾਂਦੀ ਲਿਖੀ-ਪੜ੍ਹੀ ਹਾਂ। 

ਵਧੇ-ਫੁੱਲੇ ਆਪ, ਤੁਸਾਂ ਮੈਨੂੰ ਵੀ ਵਧਾਇਆ ਏ।
ਮਾਂ ਵਾਲਾ ਰੁਤਬਾ ਤੁਹਾਥੋਂ ਸਦਾ ਪਾਇਆ ਏ।
ਦੁੱਖ-ਸੁੱਖ ਸਾਰੇ, ਆਪਾਂ ਰਲ਼ਕੇ ਵੰਡਾਏ ਨੇ,
‘ਨੀਲ਼ਮ’ ਨੇ ‘ਕਾਨੀ ਦੇ ਘੁੰਗਰੂ’ ਲਵਾਏ ਨੇ।
‘ਹਰਫ਼ਾਂ ਦੀ ਸੂਈ’ ਬਣ ਹੱਥੀਂ ਹੁਣ ਫ਼ੜੀ ਹਾਂ।
ਵੱਖ-ਵੱਖ ਫੌਂਟਾਂ ਵਿਚ ਜਾਂਦੀ ਲਿਖੀ-ਪੜ੍ਹੀ ਹਾਂ।

-ਨੀਲਮ ਸੈਣੀ
(ਕਾਨੀ ਦੇ ਘੁੰਗਰੂ –ਨੀਲਮ ਸੈਣੀ ਦੇ ਦੂਜਾ ਕਾਵਿ-ਸੰਗ੍ਰਿਹ ਦਾ ਨਾਮ)


Posted

in

by

Tags:

Comments

5 responses to “ਪੰਜਾਬੀ ਮਾਂ: ਨੀਲਮ ਸੈਣੀ”

  1. Anonymous Avatar
    Anonymous

    Maan Sahib, honsla afzai lai shukria!prvrdigar kre asadi maan di eh khoobsurat tasvir har ghar da shingar bane!
    Neelam Saini.

  2. csmann Avatar

    maan de man di hoo-ba-hoo tasveer,neeelam ji;khoobsoorat te bhaav-bharpoor

  3. Anonymous Avatar
    Anonymous

    Kamaljeet Jee, bahut bahut Sshukria!
    Neelam saini.

  4. Anonymous Avatar
    Anonymous

    Kamaljit jee,bahut-bahut Shukria!
    Neelam saini

  5. ਕਮਲਜੀਤ ਸਿੰਘ Avatar
    ਕਮਲਜੀਤ ਸਿੰਘ

    ਨੀਲਮ ਜੀ,
    ਤੁਹਾਡੇ ਸਮੁੰਦਰੀ ਦਿਲ ਵਿਚੋਂ ਉਠੀ ਇਸ ਪਿਆਰ ਭਰੀ ਬੱਦਲੀ ਦੀਆ ਸ਼ਬਦਾ ਰੂਪੀ ਕਣੀਆ ਨੇ ਮੇਰੇ ਮਨ ਰੂਪੀ ਧਰਤੀ ਨੂੰ ਅੰਦਰ ਤੱਕ ਠਾਰਿਆ ਹੈ|ਪਰ ਅੱਜ ਦੀ ਸਚਾਈ ਏ ਹੈ ਕੀ ਸਾਡੀ ਮਾਂ ਆਪਣੇ ਹੀ ਘਰ(ਪੰਜਾਬ)ਵਿੱਚ ਇਸ ਅੰਗ੍ਰੇਜੀ ਨਾਮ ਦੇ ਬੁਖਾਰ ਕਾਰਨ ਸੁੰਗੜਦੀ ਜਾ ਰਹੀ ਹੈ ਜੋ ਸਾਡੇ ਵਰਗੇ ਨਲਾਇਕ ਪੁੱਤਰਾ ਦੀ ਦੇਣ ਹੈ|ਜਿਸ ਦੀ ਹਾਮੀ ਮਾਨ ਸਾਹਿਬ ਦੇ ਗੀਤ ਦੇ ਕੁਜ ਬੋਲ ਭਰਦੇ ਹਨ|
    "ਪੁੱਤਾ ਨੂੰ ਪੜ੍ਹਾਕੇ ਅੰਗ੍ਰੇਜੀ ਕਾਇਦੇ ਅਸੀਂ
    ਤੇਰੀ ਚਿਖਾ ਕਰੀ ਬੈਠੇ ਆ ਤਿਆਰ ਨੀ"

Leave a Reply to AnonymousCancel reply

You cannot copy content of this page.

ਕਾਪੀ ਕਰਨਾ ਮਨ੍ਹਾਂ ਹੈ।

ਆਪਣੀ ਪਸੰਦ ਦੀ ਪੋਸਟ ਪ੍ਰਾਪਤ ਕਰਨ ਲਈ ਈ-ਮੇਲ ਕਰੋ lafzandapul@gmail.com