ਕਵਿਤਾ । ਰਾਜ ਲਾਲੀ ਸ਼ਰਮਾ

ਉੱਡ ਲੈਣ ਦਿਓ
ਮੈਨੂੰ ਖੁੱਲੇ ਅਸਮਾਨ ਵਿਚ

ਕਵਿਤਾ ਚਾਹੁੰਦੀ ਹੈ
ਮੈਂ ਵੀ ਉੱਡਾਂ ਬਾਕੀ
ਕਵਿਤਾਵਾਂ ਨਾਲ ਤੇ
ਬਣ ਜਾਵਾਂ ਇੱਕ ਉਡਾਨ ਦਾ ਹਿੱਸਾ

ਜੋ ਡੋਰ ਤੁਸੀਂ ਖੁਦ ਫੜੀ ਹੈ 

ਤੋੜ ਦਿਓ ਉਸਨੂੰ

ਉੱਡ ਲੈਣ ਦਿਓ
ਮੈਨੂੰ ਖੁੱਲ੍ਹੇ ਅਸਮਾਨ ਵਿਚ

ਕਵਿਤਾ ਕਹਿੰਦੀ ਹੈ

ਮੈਂ ਤਾਂ ਕੋਮਲ ਹਾਂ

ਸੁਹਿਰਦ ਹਾਂ

ਮੈਨੂੰ ਨਾ ਟੋਕੋ
ਨਾ ਵਰਜੋ

ਬਾਕੀ ਕਵਿਤਾਵਾਂ
ਨਾਲ ਮਿਲਣ ਤੋਂ

ਮਿਲਣ ਤੋਂ ਬਿਨਾਂ ਮੈਂ
ਅਧੂਰੀ ਹਾਂ ਤੇ
ਕਵੀ ਜੀ ! ਤੁਸੀਂ ਵੀ

ਸੋ ਆਓ, ਢਾਹ ਦੇਵੋ
ਇਹ ਹਉਮੈ ਦਾ ਗੁੰਬਦ

ਉੱਡ ਲੈਣ ਦਿਓ
ਮੈਨੂੰ ਖੁੱਲ੍ਹੇ ਅਸਮਾਨ ਵਿਚ

-ਰਾਜ ਲਾਲੀ ਸ਼ਰਮਾ