ਗੁਰੂ ਦਾ ਸਿੱਖ । ਕੋਮਲ ਸੋਹਲ

ਜੋ ਵਿਕਾਰਾਂ ਤੋਂ ਸਦਾ ਦੂਰ ਰਹੇ ਵਿੱਚ ਨਾਮ-ਨਸ਼ੇ ਦੇ ਚੂਰ ਰਹੇ ਅੱਠੋਂ ਪਹਿਰ ਈ ਓਹਨੂੰ ਧਿਆਂਓਂਦਾ ਹੈ

punjabi writer komal sohal
Komal Sohal | ਕੋਮਲ ਸੋਹਲ

ਓਹੀ, ਗੁਰੂ ਦਾ ਸਿੱਖ ਅਖਵਾਓਂਦਾ ਹੈ!!!!
ਜੋ ਸਭਨਾਂ ਦੇ ਨਾਲ ਪਿਆਰ ਕਰੇ ਸਭ ਧਰਮਾਂ ਦਾ ਸਤਿਕਾਰ ਕਰੇ ਜੋ ਸਾਂਝੀਵਾਲਤਾ ਦਾ ਨਾਹਰਾ ਲਗਾਓੁਂਦਾ ਹੈ
ਓਹੀ, ਗੁਰੂ ਦਾ ਸਿੱਖ ਅਖਵਾਓਂਦਾ ਹੈ!!!!
ਜੋ ਜ਼ਾਲਮਾਂ ਦਾ ਸਦਾ ਨਾਸ਼ ਕਰੇ ਮਜ਼ਲੂਮਾਂ ਦੇ ਹੱਕ ਦੀ ਆਸ ਰਹੇ ਜੋ ਹੱਕ-ਸੱਚ ਦਾ ਨਾਹਰਾ ਲਗਾਓੁਂਦਾ ਹੈ
ਓਹੀ, ਗੁਰੂ ਦਾ ਸਿੱਖ ਅਖਵਾਓਂਦਾ ਹੈ!!!!
ਜੋ ਸੰਗਤ ਵਿੱਚ ਆਣਾ ਲੋਚਦਾ ਹੈ ਸੇਵਾ ਦੇ ਭਾਵ ਨਾਲ ਸੋਭਦਾ ਹੈ ਪੰਗਤ ਚ ਪਰਸ਼ਾਦਾ ਵਰਤਾਓੁਂਦਾ ਹੈ
ਓਹੀ, ਗੁਰੂ ਦਾ ਸਿੱਖ ਅਖਵਾਓਂਦਾ ਹੈ!!!!
ਜੋ ਮਨ ਨੂੰ ਨੀਵਾਂ ਰੱਖਦਾ ਹੈ ਇੱਕ ਅੱਖ ਨਾਲ ਸਭ ਨੂੰ ਤੱਕਦਾ ਹੈ ਮੱਤ ਓੁੱਚੀ ਦਾ ਪਹਿਰਾ ਲਗਾਉਂਦਾ ਹੈ
ਓਹੀ, ਗੁਰੂ ਦਾ ਸਿੱਖ ਅਖਵਾਓਂਦਾ ਹੈ!!!!
ਹੋਵੇ ਸਾਬਤ-ਸੂਰਤ ਸੋਹਣਾ ਜਾਪੇ ਲਾਲ ਗੁਰਾਂ ਦਾ ਮਨ-ਮੌਹਣਾ ਨਾ ਡੋਲੇ ਜੋ ਔਖੇ ਵੇਲੇ ਵੀ ਸਿੱਖੀ ਸਿਦਕ ਜਾ ਨਿਭਾਓੁਂਦਾ ਹੈ
ਓਹੀ, ਗੁਰੂ ਦਾ ਸਿੱਖ ਅਖਵਾਓਂਦਾ ਹੈ!!!!
ਜੋ ੴ ਦਾ ਜਾਪ ਕਰੇ ਇੱਕ ਜੋਤ ਦੇ ਵਿੱਚ ਵਿਸ਼ਵਾਸ਼ ਕਰੇ ਤਨ-ਮਤ-ਧਨ ਤੋ ਓਹਦਾ ਹੋਣਾ ਚਾਹੁੰਦਾ ਹੈ
ਓਹੀ, ਗੁਰੂ ਦਾ ਸਿੱਖ ਅਖਵਾਓਂਦਾ ਹੈ!!!!
ਜਿਸ ਸਿੱਖਿਆ ਗੁਰ ਮਿਹਨਤ ਕਰਨੇ ਦਾ ਸਭ ਤੇਰਾ-ਤੇਰਾ ਕਰਨੇ ਦਾ ਜੋ ਦਸਾਂ ਨਹੁਆਂ ਦੀ ਕਿਰਤ ਕਮਾਓੁਂਦਾ ਹੈ
ਓਹੀ, ਗੁਰੂ ਦਾ ਸਿੱਖ ਅਖਵਾਓਂਦਾ ਹੈ!!!!
ਜੋ ਸਹੇ ਨਾ ਅੱਤਿਆਚਾਰ ਮੌੜੇ ਵੈਰੀ ਦਾ ਹਰ ਵੈਰ ਜੋ ਅਣਖਾਂ ਲਈ ਤੇਗ ਓੁਠਾਓੁਂਦਾ ਹੈ
ਓਹੀ, ਗੁਰੂ ਦਾ ਸਿੱਖ ਅਖਵਾਓਂਦਾ ਹੈ!!!!
ਜੋ ਮਾਖਿਓਂ ਮਿੱਠਾ ਬੋਲੇ ਰਸਨਾ ਵਿੱਚ ਪਤਾਸੇ ਘੋਲੇ ਜੋ ਗੱਜ਼ ਕੇ ‘ਫਤਿਹ ਬੁਲਾਓਂਦਾ ਹੈ
ਓਹੀ, ਗੁਰੂ ਦਾ ਸਿੱਖ ਅਖਵਾਓਂਦਾ ਹੈ!!!!

-ਕੋਮਲ ਸੋਹਲ

Leave a Reply

You cannot copy content of this page.

ਕਾਪੀ ਕਰਨਾ ਮਨ੍ਹਾਂ ਹੈ।

ਆਪਣੀ ਪਸੰਦ ਦੀ ਪੋਸਟ ਪ੍ਰਾਪਤ ਕਰਨ ਲਈ ਈ-ਮੇਲ ਕਰੋ lafzandapul@gmail.com

%d bloggers like this: