ਬਗ਼ਾਵਤ: ਜਗਪ੍ਰੀਤ

Publish Date:

Mar 16, 2012 9:30 AM

Updated Date:

Apr 16, 2022 3:48 AM

ਅੱਖਰ ਵੱਡੇ ਕਰੋ–+=

ਇਹ ਅੰਬਰ ਕੱਲ੍ਹ ਵੀ ਮੇਰਾ ਸੀ,
ਇਹ ਅੰਬਰ ਅੱਜ ਵੀ ਮੇਰਾ ਹੈ
ਗਿੱਠ ਕੁ ਦਾ ਇਹ ਘੁੰਡ ਮੇਰੇ ਲਈ ਕੰਧ ਨਹੀਂ ਬਣਨਾ
ਨਾ ਤੁਹਾਡੇ ਕਹੇ ਮੈਂ ਹੀਰ ਬਣਦੀ ਹਾਂ
‘ਤੇ ਚਾਰ ਕੁ ਕਦਮਾਂ ਦਾ ਇਹ ਖਿੱਤਾ ਝੰਗ ਨਹੀਂ ਬਨਣਾ
ਮੈਨੂੰ ਪਤਾ ਤੁਸੀਂ ਮੇਰੇ ਹੱਥ ‘ਚ ਚੂਰੀ ਕਿਉਂ ਦਿੰਦੇ ਹੋ
ਕਿਉਂਕਿ ਹੀਰ ਮੱਝਾਂ ਹੱਕਦੀ ਤੁਹਾਨੂੰ ਚੰਗੀ ਨਹੀਂ ਲੱਗਣੀ
ਅੱਜ ਮੱਝਾਂ ਹੱਕਦੀ ਹੈ
ਕੱਲ ਨੂੰ ਤੁਹਾਨੂੰ ਹੱਕੇਗੀ
ਫੇਰ ਅਖੌਤੀ ਅਕਲ ਦੇ ਥੱਲੇ ਦੱਬ ਕੇ ਮਰ ਗਈ ਸਮਝ ਦੇ ਮਾਲਕੋ !
ਜ਼ਰਾ ਸੋਚੋ
ਭਲਾ ਗਮਲਿਆਂ ਵਿਚ ਬੋਹੜ ਕਦ ਤੱਕ ਉਗਾਓਗੇ
ਕਦ ਤੱਕ ਸਹਿਬਾਂ ਤੋਂ ਬੱਸ ਇਕੱਲੇ ਤੀਰ ਹੀ ਤੁੜਵਾਓਗੇ
ਇਹ ਸਹਿਬਾਂ ਹੁਣ ਹੋਰ ਵੀ ਬਹੁਤ ਕੁਝ ਤੋੜੇਗੀ
ਕਸਮਾਂ ਵੀ ਤੋੜੇਗੀ
ਰਸਮਾਂ ਵੀ ਤੋੜੇਗੀ
ਹੀਰ ਦੇ ਵੀ ਮੋਢਿਆਂ ਤੇ ਡੰਗੋਰੀ ਵੇਖ ਕੇ ਹੈਰਾਨ ਹੋਣ ਦੀ ਹੁਣ ਤੁਹਾਡੀ ਵਾਰੀ ਹੈ
ਕਿਉਂਕਿ ਸਿੱਖ ਲਈ ਹੈ ਹੀਰ ਨੇ ਵੰਝਲੀ ਵਜਾਉਣ ਦੀ ਜਾਂਚ ਵੀ
ਜਦ ਤੋਂ ਉਹਦਾ ਰਾਝਾਂ ਗੁਆਚ ਗਿਆ ਵਾਸਨਾ ਦੇ ਜੰਗਲ ‘ਚ ਕਿਤੇ

-ਜਗਪ੍ਰੀਤ

ਲਫ਼ਜਾਂ ਦਾ ਪੁਲ ਇਕ ਸੁਤੰਤਰ ਸਾਹਿਤਕ ਮੀਡੀਆ ਅਦਾਰਾ ਹੈ, ਜੋ ਬਿਨਾਂ ਕਿਸੇ ਸਿਆਸੀ, ਧਾਰਮਿਕ ਜਾਂ ਵਪਾਰਕ ਦਬਾਅ ਅਤੇ ਪੱਖਪਾਤ ਦੇ ਤੁਹਾਡੇ ਤੱਕ ਸਾਹਿਤ, ਸਭਿਆਚਾਰ, ਵਿਰਸੇ ਨਾਲ ਸਬੰਧਤ ਲਿਖਤਾਂ, ਆਡਿਓ, ਵੀਡਿਓ, ਖ਼ਬਰਾਂ, ਸੂਚਨਾਵਾਂ ਅਤੇ ਜਾਣਕਾਰੀਆਂ ਪਹੁੰਚਾ ਰਿਹਾ ਹੈ। ਇਸ ਨੂੰ ਸਿਆਸੀ ਅਤੇ ਵਪਾਰਕ ਦਬਾਅ ਤੋਂ ਮੁਕਤ ਰੱਖਣ ਲਈ ਤੁਹਾਡੇ ਆਰਥਿਕ ਸਹਿਯੋਗ ਦੀ ਬੇਹੱਦ ਲੋੜ ਹੈ। ਤੁਸੀਂ ਆਪਣੀ ਮਰਜ਼ੀ ਅਨੁਸਾਰ ਜਿੰਨੀ ਚਾਹੋਂ ਸਹਿਯੋਗ ਰਾਸ਼ੀ ਸਾਨੂੰ ਹੇਠਾਂ ਦਿੱਤੇ ਬਟਨ ਉੱਤੇ ਕਲਿੱਕ ਕਰਕੇ ਭੇਜ ਸਕਦੇ ਹੋ। ਤੁਹਾਡੇ ਸਹਿਯੋਗ ਨਾਲ ਸਾਡੇ ਪੱਤਰਕਾਰ ਅਤੇ ਲੇਖਕ ਬੇਬਾਕੀ ਨਾਲ ਆਪਣਾ ਫ਼ਰਜ ਨਿਭਾ ਸਕਣਗੇ। ਧੰਨਵਾਦ।

ਆਪਣੀ ਮਰਜ਼ੀ ਦੀ ਰਕਮ ਭਰਨ ਲਈ ਇੱਥੇ ਨੱਪੋ