ਪੇਸ਼ ਹੈ ‘ਹੀਰ ਵਾਰਿਸ ਸ਼ਾਹ’ ਦੀ ਅਗਲੀ ਯਾਨੀ ਦਸਵੀਂ ਕੜੀ। ਇਸ ਤੋਂ ਪਹਿਲਾਂ ਤੁਸੀਂ ਨੌਵੀਂ ਕੜੀ ਵਿਚ ਸੁਣ ਚੁੱਕੇ ਹੋ ਕਿ ਹੀਰ ਰੋਂਦੀ-ਕੁਰਲਾਉਂਦੀ ਜਬਰੀਂ ਸੈਦੇ ਖੇੜੇ ਨਾਲ਼ ਤੋਰ ਦਿੱਤੀ ਗਈ। ਜਹਾਨ ਇਹ ਸਮਝਣ ਲੱਗ ਪਿਆ ਸੀ ਕਿ ਹੀਰ-ਰਾਂਝੇ ਦੇ ਇਸ਼ਕ ਦਾ ਭੋਗ ਹੀ ਪੈ ਗਿਆ ਏ।
ਇਸ ਕਿਸਤ ਨੂੰ ਸੁਣ ਕੇ ਪਤਾ ਲੱਗਦੈ ਕਿ ਇਸ਼ਕ ਦੀ ਅੱਗ ਮੱਠੀ ਤਾਂ ਪੈ ਗਈ ਸੀ, ਪਰ ਉਹ ਬੁਝੀ ਨਹੀਂ ਸੀ। ਇਸ ਵਿਚ ਹੀ ਤੁਸੀਂ ਵਾਰਿਸ ਸ਼ਾਹ ਨੂੰ ਇਹ ਫ਼ਰਮਾਉਂਦਿਆਂ ਸੁਣੋਗੇ ਕਿ ਰਾਂਝੇ ਨੇ ਵਿਆਹੀ ਵਰੀ ਹੀਰ ਨੂੰ, ਉਸ ਦੇ ਸਹੁਰੇ ਘਰੋਂ ਕੱਢ ਲਿਆਉਣ ਦੀਆਂ ਤਰਕੀਬਾਂ ਬਣਾਉਣ ਖ਼ਾਤਰ ਹੀ, ਕੰਨ ਪੜਵਾ ਕੇ ਜੋਗ ਲੈ ਲਿਆ ਸੀ।
ਸਹੁਰੇ ਘਰ ਵਿਚ ਹੀਰ, ਰਾਂਝੇ ਨੂੰ ਫਿਰ ਮਿਲਣ ਲਈ ਕੀ-ਕੀ ਹੀਲੇ ਕਰਦੀ ਏ, ਉਹ ਵੀ ਇਸ ਕਿਸਤ ਵਿਚ ਜ਼ਾਹਰ ਹੋ ਜਾਏਗਾ। ਤੇ ਲਓ ਸੁਣੋ ਇਹ ਦਸਵੀਂ ਕੜੀ।
ਹੀਰ ਵਾਰਿਸ ਸ਼ਾਹ | ਰੇਡੀਓ ਨਾਟਕ | Radio Play | Heer Waris Shah | Episode 10
ਹੀਰ ਵਾਰਿਸ ਸ਼ਾਹ | ਰੇਡੀਓ ਨਾਟਕ | Radio Play | Heer Waris Shah | Episode 10
(ਆਕਾਸ਼ਵਾਣੀ ਜਲੰਧਰ ਤੋਂ ਧੰਨਵਾਦ ਸਹਿਤ)
ਹੀਰ ਵਾਰਿਸ ਸ਼ਾਹ | ਰੇਡੀਓ ਨਾਟਕ | Radio Play | Heer Waris Shah | Episode 11
ਰਾਂਝਾ ਪਹਿਲੇ ਦਿਨ ਹੀ ਜੋਗੀ ਬਾਲ ਨਾਥ ਤੋਂ ਯੋਗ ਹਾਸਲ ਕਰ ਕੇ, ਉਸ ਦੀਆਂ ਬੰਦਿਸ਼ਾਂ ਤੇ ਬੰਧੇਜਾਂ ਤੋਂ ਬਾਗ਼ੀ ਹੋ ਗਿਆ। ਆਖ਼ਰ ਜੱਟ ਦੀ ਅੜੀ ਦਾ ਸਾਹਵੇਂ ਝੁਕਦਿਆਂ ਬਾਲ ਨਾਥ ਨੇ ਵੀ ਉਸ ਨੂੰ ਹੀਰ ਬਖ਼ਸ਼ਣ ਦਾ ਐਲਾਨ ਕਰ ਦਿੱਤਾ।
ਇਸ ਤੋਂ ਮਗਰੋਂ ਆਪਣਾ ਮਨਭਾਉਂਦਾ ਮੰਤਵ ਪੂਰਾ ਕਰਨ ਲਈ ਯਾਨੀ ਹੀਰ ਨਾਲ਼ ਮਿਲਾਪ ਕਰ ਕੇ ਉਸ ਨੂੰ ਕੱਢ ਲਿਜਾਣ ਲਈ ਰਾਂਝੇ ਨੇ ਯੋਗੀ ਬਣ ਕੇ ਰੰਗ ਪੁਰ ਖੇੜਿਆਂ ਦੇ ਕਾਲ਼ੇ ਬਾਗ਼ ਵਿਚ ਡੇਰਾ ਲਾ ਲੈਂਦਾ ਹੈ।
ਸਹਿਤੀ, ਹੀਰ ਦੀ ਨਨਾਣ, ਜੋ ਖ਼ੁਦ ਮੁਰਾਦ ਦੇ ਇਸ਼ਕ ਵਿਚ ਝੱਲੀ ਹੋ ਚੁੱਕੀ ਹੈ, ਇਹ ਪਤਾ ਕਰ ਲੈਂਦੀ ਹੈ ਕਿ ਕਾਲ਼ੇ ਬਾਗ਼ ਵਿਚ ਡੇਰਾ ਲਾਈ ਬੈਠਾ ਯੋਗੀ ਰਾਂਝਾ ਹੀ ਹੈ।
ਹੀਰ ਤੇ ਸਹਿਤੀ ਵਿਚਾਲ਼ੇ ਇਕ-ਦੂਜੀ ਦਾ ਇਸ਼ਕ ਸਿਰੇ ਚੜ੍ਹਾਉਣ ਵਿਚ, ਇਕ-ਦੂਜੀ ਦੀ ਮਦਦ ਕਰਨ ਦਾ ਸਮਝੌਤਾ ਹੋ ਜਾਂਦਾ ਹੈ। ਸਹਿਤੀ, ਹੀਰ ਦੇ ਸੱਪ ਲੜਨ ਦਾ ਪਾਖੰਡ ਕਰਦੀ ਹੈ। ਅੱਗੇ ਕੀ ਵਾਪਰਦਾ ਹੈ, ਸੁਣੋ ਐਪੀਸੋਡ 11
2 thoughts on “ਹੀਰ ਵਾਰਿਸ ਸ਼ਾਹ | ਰੇਡੀਓ ਨਾਟਕ | Radio Play | Heer Waris Shah | Episode 10”