ਪੰਜਾਬੀ ਕਹਾਣੀ । ਮੈਂ ਛੁੱਟੀ ‘ਤੇ ਜਾ ਰਹੀ ਹਾਂ । ਅਰਵਿੰਦਰ ਧਾਲੀਵਾਲ

ਪਿਛਲੀਆਂ ਦੋ ਰਾਤਾਂ ਤੋਂ ਨੀਂਦ ਨਹੀਂ ਆਈ… ਉੱਸਲਵੱਟੇ ਹੀ ਲੈ ਛੱਡੇ… ਇਹ ਸਭ ਕੁਝ ਕਿਵੇਂ ਜਰਿਆ ਜਾ ਸਕਦੈ… ਪਚਾਇਆ ਜਾ ਸਕਦੈ… ਇਨ੍ਹਾਂ ਸੱਠ੍ਹ-ਪੈਂਹਠ ਘੰਟਿਆਂ ਵਿਚ ਅੰਦਰੋਂ ਕਈ ਕੁਝ ਖੁੱਸਦਾ ਜਾਂਦਾ ਰਿਹੈ, ਤੁੰਬਿਆ ਜਾਂਦਾ ਰਿਹੈ… ਆਪਣੇ-ਆਪ ਨਾਲ ਦਲੀਲੀਂ ਪਿਆ ਰਿਹਾਂ ਕਿ ਜੇਕਰ ਗ਼ਲਤੀ ਮੇਰੇ ਕੋਲੋਂ ਹੋਈ ਸੀ ਤਾਂ ਕਿੱਥੇ…

ਇੱਕ ਲਿਬਰਲ ਮੋਟੀਵੇਸ਼ਨਲ ਸਪੀਕਰ ਬੰਦਾ, ਸਮਾਜਕ ਮਨੋਵਿਗਿਆਨ ਦਾ ਮਾਹਰ, ਜਿਹੜਾ ਚਹੁ ਕੁੰਟੀਂ ਦੁਨੀਆ ਨੂੰ ਸਮਝਾਉਂਦਾ ਫਿਰਦਾ ਹੋਏ, ਘਰ, ਪਰਿਵਾਰ ਤੇ ਸਮਾਜ ਨੂੰ ਮਿਲ ਜੁਲ ਕੇ ਰਹਿਣ ਦੇ ਨੁਕਤੇ ਦੱਸਦਾ ਹੋਏ, ਜ਼ਿੰਦਗੀ ਦਾ ਮਾਰਗ ਦਰਸ਼ਨ ਕਰਦਾ ਹੋਏ … ਜਿਸ ਨੂੰ ਦੁਨੀਆ-ਜਹਾਨ ਦੇ ਨਿਜੀ, ਵਪਾਰਕ ਅਦਾਰੇ, ਸਕੂਲ, ਕਾਲਜ, ਯੂਨੀਵਰਸਿਟੀਆਂ, ਸਭਾਵਾਂ ਤੋਂ ਲੈਕਚਰ ਕਰਨ ਦੇ ਸੱਦੇ ਆਉਂਦੇ ਹੋਣ … ਜਿਸ ਦੀਆਂ ਲੈਕਚਰ   ਵੀਡੀਉ ਨੂੰ ਯੂ-ਟਿਊਬ ਨੇ ਬਣਦਾ ਮਾਣ-ਸਤਿਕਾਰ ਦਿੱਤਾ ਹੋਏ… ਜਿਸਦੇ ਲੱਖਾਂ ਫ਼ਾਲੋਵਰ ਹੋਣ … ਇੱਕ ਝਲਕ ਵੇਖ ਲੈਣ ਤਾਂ ਲੋਕ ਸੈਲਫ਼ੀਆਂ ਲੈਣ ਲਈ ਤੜਪਦੇ ਹੋਣ…  ਐਸਾ ਆਜ਼ਾਦ ਖ਼ਿਆਲ ਸ਼ਖ਼ਸ ਕਿ …

. . .